رامپور میں ضلع بھر کی شراب کی دوکانوں پر پہنچ کر شراب کی چیکنگ اسکینر مشینوں کے ذریعہ کی جا رہی ہے۔
دراصل گذشتہ دنوں اترپردیش کے کئی اضلاع سے ایسی خبریں موصول ہوئی تھیں جس میں بتایا گیا تھا کہ زہریلی شراب پینے سے کئی افراد جاں بحق ہو گئے۔
شراب چیکنگ مہم
اسی کے مدنظر یو پی کے تمام اضلاع میں شراب چیکنگ مہم چلائی جا رہی ہے۔ اس سلسلہ میں آج رامپور ضلع کی بھی تمام شراب کی دوکانوں پر انتظامیہ کے افسران نے پہنچ کر شراب کو چیک کیا۔ یہ چیکنگ اسکینگ کے ذریعہ کی گئی۔
اس دوران پولیس کپتان شگن گوتم نے بتایا کہ انتظامیہ کی جانب سے یہ مہم 15 دن تک جاری رہے گی اور اس دوران جہاں بھی خامیاں پائی جائیں گی ایسے دوکانداروں کے خلاف سخت قانونی کارروائی کی جائے گی۔
