اس دوران انہوں نے ارجن ایوارڈ یافتہ خاتون کھلاڑی پرشانتی سنگھ سے گفتگو کی اور پرشانتی نے بھی اپنی گزارشات وزیراعظم کے سامنے پیش کیے۔
ای ٹی وی بھارت کے ساتھ خاص بات چیت میں پرشانتی سنگھ نے کہا کہ 'وزیراعظم نریندرمودی سے گزارش کی ہے کہ کھیلو انڈیا اسکیم کے تحت چلنے والا منصوبہ نیشنل سینٹر فار ایکسیلنس کا بنارس میں بھی سنٹر قائم کیا جائے تاکہ یہاں کے کھلاڑیوں کو بھی مختلف سہولیات دستیاب ہوں ۔'
انہوں نے کہا کہ 'وزیراعظم نے ان کی گزارشات سنیں اور اسے تسلیم کرتے ہوئے حکومتی سطح پر عملی جامہ پہنانے کی یقین دہانی بھی کرائی۔'
انہوں نے کہا کہ 'اس سے بنارس سمیت شمالی اترپردیش کے کھلاڑیوں کو سہولات ملیں گی۔'
پرشانتی نے کہا کہ 'کھیل کے میدان میں جب انہوں نے قدم رکھا تب سے ہی انہیں چیلنجز کا سامنا کرنا پڑ رہا ہے اس کے باوجود پروانچل سے نیشنل اور انٹرنیشنل کھلاڑی پیدا ہوئے لیکن اب کھیلو انڈیا کے تحت ہم نے نیشنل سینٹر فار ایکسیلنس اسکیم کا مطالبہ کیا جس کے تحت کھلاڑیوں کو مختلف سہولیات فراہم کرائی جائیں گی جس سے نہ صرف بنارسی کھیل کے میدان میں اچھی کارکردگی کا مظاہرہ کریں گے بلکہ پورے پروانچل کے لوگوں کو سہولت ہوگی اور آگے جانے کے مواقع فراہم ہوں گے۔'
انہوں نے مزید کہا کہ 'اب تک کھلاڑیوں کے لیے جو فیصلے ہوتے تھے وہ اعلی افسران کرتے تھے لیکن وزیر اعظم نے خود اس بات کی جانب اشارہ کیا ہے کہ کھلاڑیوں کے لیے فیصلے میں اسپورٹس سے وابستہ افراد بھی شامل ہوں گے تاکہ اپنی سہولت کے پیش نظر بہترین منصوبے بنائے جاسکیں ۔
