سوشل میڈیا پر وائرل ویڈیو میں کانپور کے رہنے والے افسر کے ساتھ شرپسندوں کے ذریعے مارپیٹ و جبراً مذہبی نعرہ لگوانے کے حوالے سے اترپردیش اقلیتی کمیشن (UP Minority Commission ) نے کانپور پولیس کمشنر کو نوٹس جاری کر کارروائی کا مطالبہ کیا ہے، ساتھ ہی متاثرہ خاندان کے تحفظ کو یقینی بنانے کا بھی مطالبہ کیا ہے۔
کمیشن نے اپنے لیٹر میں لکھا ہے کہ وائرل ویڈیو میں صاف طور پر دیکھا جاسکتا ہے کہ افسر کے ساتھ شرپسندوں نے مارپیٹ کی اور جبراً مذہبی نعرے لگوائے گئے ہیں۔ ویڈیو میں دکھائی دے رہا ہے کہ بھیڑ میں سے ایک شخص مسلم نوجوان کو پیٹ رہا ہے اور اس کی چھوٹی بچی اپنے والد کو نہ مارنے کی درخواست کررہی ہے۔ پولیس کی موجودگی میں بھی ایک شخص افسر کو مارتے دکھائی دے رہا ہے۔'
کمیشن کے چیئرمین اشفاق سیفی نے اس پورے معاملے کو سنجیدگی سے لیتے ہوئے سخت ناراضگی ظاہر کی ہے۔
کانپور پولیس کمشنر سے کمیشن کا مطالبہ ہے کہ اس معاملے میں ملوث افراد کے خلاف سخت دفعات کے تحت مقدمہ درج کرکے ضروری کارروائی کریں۔ یہ بھی یقینی بنائیں کہ متاثرہ خاندان خود کو محفوظ محسوس کررہا یا نہیں۔ اس کے ساتھ ہی آئندہ اس نوعیت کے واقعات یا واردات نہ ہوں اس کے لیے 3 قیدیوں کی تفصیلات بھی فراہم کریں۔'
