اترپردیش کی کابینی وزیر کمل رانی ورون کی کورونا سے موت

اترپردیش حکومت میں وزیر برائے تکنیکی تعلیم کمل رانی ورون کی کورونا وائرس کے سبب موت واقع ہوگئی، وہ گزشتہ چند دنوں سے لکھنؤ کے پی جی آئی اسپتال میں زیر علاج تھیں۔

اٹھارہ جولائی کو ان کی کورونا وائرس رپورٹ مثبت آئی تھی، تب ہی انہیں علاج کے لیے اسپتال داخل کرایا گیا تھا۔ ان کے انتقال کی خبر کے بعد اترپردیش کے وزیراعلی یوگی آدتیہ ناتھ نے اپنا ایودھیا دورہ رد کر دیا ہے۔

سنہ 2015 میں شوہر کی موت کے بعد سنہ 2017 میں کمل رانی ورون نے گھاٹم پور اسمبلی حلقہ سے بی جے پی کے ٹکٹ پر انتخاب لڑا تھا اور انہیں فتح حاصل ہوئی تھی۔