ریاستی حکومت کی نیشنل فوڈ سیکیورٹی ایکٹ اسکیم کے تحت اہل مستحقین کو فوائد کی فراہمی کے مقاصد کے حصول کے لئے سرکار کی جانب سے وسیع پیمانے پر تشہیر کی جاتی رہی ہے لیکن جب راشن تقسیم کرنے کا وقت آتا ہے تو بد امنی کا بول بالا نظر آتا ہے۔ ہر سو چیخ و پکار کی صدا سنائی دیتی ہے۔
دراصل ریاست اتر پردیش کے نوئیڈا میں راشن کی دکانوں پر لوگوں کا ہجوم امڈ رہا ہے تاکہ ان کو راشن مل سکے۔ لیکن آسانی سے کتنے کو ملتا ہے اس کا انداز لگانا مشکل ہے۔
اس طرح محکمہ سپلائی کی جانب سے منادی کراکر سرکاری سطح پر تشہیر تو ہوتی ہے لیکن عوامی سطح پر محرومی بھی نظر آتی ہے، جو سرکاری سطح پر دکھائی نہیں دیتی اور اسے افسروں کے ذریعے کامیابی کی شکل میں پیش کردیا جاتا ہے۔
ڈسٹرکٹ مجسٹریٹ کی ہدایت پر محکمہ فراہمی کے افسران اس اہم اسکیم کو وسیع پیمانے پر فروغ دیتے رہے ہیں جس کا اثر پورے ضلع میں ظاہر ہے۔ لیکن جس طرح کی بد امنی پیش آتی ہے۔ اس پر بھی انتظامیہ کو دھیان دینے کی ضرورت ہے۔
