رائے بریلی: کانگریس کے سابق صدر اور رکن پارلیمنٹ راہل گاندھی کو نشانہ بناتے ہوئے مرکزی وزیر اسمرتی ایرانی نے پیر کو کہا کہ پانچ سال میں ایک بار ووٹ کا آشیرواد لینے آنے والے گاندھی خاندان نے عوام کو دھوکے کے سوا کچھ نہیں دیا۔ امیٹھی کی رکن پارلیمنٹ نے سیلون علاقے میں مختلف پروجیکٹوں کا سنگ بنیاد رکھا اور افتتاح کیا۔ انہوں نے کہا، "اگرچہ وہ (راہل گاندھی) عوام سے ووٹ کا آشیرواد لینے آتے تھے، لیکن پانچ سال میں ایک بار آنے والے گاندھی خاندان نے عوام کو دھوکے کے سوا کچھ نہیں دیا۔ آج بی جے پی حکومت عام شہری کی ہر ضرورت کا خیال رکھتی ہے، نالے سے لے کر ندی پر پل تک اور جمنازیم سے بیت الخلا تک۔ بی جے پی کے دور حکومت میں عوام کو لوٹنے والوں کے خلاف کارروائی چل رہی ہے۔' Smriti Irani Slams Gandhi Family
اسمرتی ایرانی نے کہا کہ 'وہ عوام کی طرف سے بہن کے طور پر دی گئی ذمہ داری کو نبھا رہی ہیں۔ حکومت کو عام لوگوں کے مفاد کا خیال ہے اور انہیں اپنی ذمہ داری نبھانے میں ملک کے وزیر اعظم نریندر مودی، اتر پردیش کے وزیر اعلی یوگی آدتیہ ناتھ اور ضلع انتظامیہ سے بھرپور تعاون حاصل ہو رہا ہے۔ مرکزی وزیر نے ترقیاتی بلاک ڈیہہ کے تحت مختلف اسکیموں کا افتتاح کیا اور چراغ جلا کر سنگ بنیاد رکھنے کی تقریب کا افتتاح کیا۔ Smriti Irani Visit Amethi
یہ بھی پڑھیں: Union Minister Smriti Irani اسمرتی ایرانی کی مغربی بنگال حکومت پر تنقید
انہوں نے ترقیاتی بلاک ڈیہہ میں 6 کروڑ 76 لاکھ 72 ہزار 980 روپے کی لاگت کے 101 میں سے 36 منصوبوں کا افتتاح کیا اور بٹن دبا کر 65 کا سنگ بنیاد رکھا۔ انہوں نے کہا کہ مرکزی اور ریاستی حکومتیں غریبوں کی خیر خواہ ہیں، جو سب کا ساتھ-سب کا وکاس۔سب کا وشواس کے بنیادی منتر کے ساتھ ملک اور ریاست کی ہمہ جہت ترقی کے ساتھ ساتھ سب کے لیے خوشی اور خوشحالی کی طرف بڑھ رہی ہے۔
یو این آئی
