Covaxin Phase-3 Trial at AMU: اے ایم یو میں کوویکسین کے تیسرے مرحلہ کا ٹرائل مکمل

علی گڑھ مسلم یونیوسٹی کے میڈیکل کالج نے کوویکسین کے تیسرے مرحلے کے ٹرائل کو کامیابی کے ساتھ مکمل کر لیا۔ اس کی منظوری نومبر 2020 میں ادارہ جاتی اخلاقیات کمیٹی نے دی تھی اور ٹرائل کے لیے رضاکاروں کی بھرتی کی گئی تھی۔ Covaxin Phase-3 Trial at AMU

علی گڑھ: علی گڑھ مسلم یونیورسٹی (اے ایم یو) کے جواہر لعل نہرو میڈیکل کالج (جے این ایم سی) میں ملک کی دیسی کووڈ19 ویکسین، کوویکسین کے تیسرے مرحلے کا ٹرائل کامیابی کے ساتھ مکمل ہوا۔ ٹرائل کی رپورٹ آئی سی ایم آر کو پیش کردی گئی ہے Bharat Biotech's Covaxin phase-3 trial concluded successfully completed at AMU۔

کوویکشین کو کامیاب بنانے میں شامل لوگ ۔۔۔۔

کورونا وبا سے بچاؤ کی ویکسین، کوویکسین کے تیسرے مرحلے کا ٹرائل انڈین کونسل آف میڈیکل ریسرچ (آی سی ایم آر) اور بھارت بائیوٹیک انٹرنیشنل لمیٹیڈ کے تعاون سے علی گڈھ مسلم یونیورسٹی کے جواہر لال نہرو میڈیکل کالج میں کامیابی کے ساتھ کیا گیا۔ اس کی منظوری نومبر 2020 میں ادارہ جاتی اخلاقیات کمیٹی نے دی تھی اور ٹرائل کے لیے رضاکاروں کو بھرتی کیا گیا تھا۔

پرنسپل انویسٹیگیٹر، پروفیسر شمیم نے بتایا "اے ایم یو ویکسین کے ٹرائل کے لیے ایک ہزار رضاکاروں کے اندراج کرنے والا پہلا ادارہ تھا۔ اے ایم یو کی ساکھ اور وائس چانسلر کی طرف سے ملنے والی مسلسل حمایت کو حوصلہ افزائی رضاکاروں کے درمیان اعتماد پیدا کرنے میں بہت اہم تھی۔

انہوں نے یہ بھی بتایا کہ تیسرے مرحلہ کے ٹرائل کی رپورٹ آئی سی ایم آر کو پیش کردی گئی ہے"۔پروفیسر محمد شمیم نے اپنی ٹیم کے ارکان کے ساتھ اس بارے میں وائس چانسلر پروفیسر طارق منظور کو آگاہ کیا اور ویکسین کے ٹرائل کے دوران ان کے مسلسل تعاون اور حوصلہ افزائی پر ان کا شکریہ ادا کیا۔

اس موقع پر یونیورسٹی کے رجسٹرار عبدالحمید بھی موجود تھے۔وائس چانسلر نے پروفیسر محمد شمیم اور پوری ٹیم کو محنت، لگن اور ثابت قدمی کے لیے مبارکباد پیش کی جنہوں نے تحقیق کے لیے وبا کے چوٹی پر رہنے کے دوران ان چیلنجوں کا کا ڈٹ کر سامنا کیا اور رضا کاروں کے درمیان اعتماد کو برقرار رکھا۔

چیئرمین اور مینجنگ ڈائریکٹر، بھارت بایوٹیک انٹرنیشنل لمیٹیڈ، ڈاکٹر کرشنا ایم ایلا نے اس عظیم ذمہ داری کو بخوبی انجام تک پہنچانے کے لئے وائس چانسلر پروفیسر طارق منصور کی تعریف کی اور امید ظاہر کی کہ مستقبل کی تحقیق میں بھی اے ایم یو کے ساتھ تعاون کیا جائے گا۔

اس باوقار ٹرائل کے ٹیم ممبران میں ڈاکٹر سمیعہ کرمانی، ڈاکٹر ارباز عالم خان، ڈاکٹر عظیم الدین ملک بطور سائنسداں، ڈاکٹر شارق احمد، ڈاکٹر نفیس احمد خان اور ڈاکٹر عبید امتیاز الحق بطور سب انویسٹی گریٹر شامل تھے۔