ریاست اتر پردیش کے میرٹھ میں آج نیتاجی سبھاش چندر بوس کی 125 ویں یوم پیدائش کے موقع پر سماجوادی پارٹی کے کارکنان نے خراج عقیدت پیش کرتے ہوئے ان کے پیغامات کو عام کرنے کی بات کہی۔ ساتھ ہی ملک میں مرکزی حکومت کے خلاف کسان تحریک میں شامل ہوکر زرعی قوانین کے خلاف آواز بلند کرنے کی اپیل کی۔
وہیں مرکزی حکومت کے خلاف 26 جنوری کو کسانوں کے حق میں ٹریکٹر ریلی نکالنے کا بھی اعلان کیا۔
اس موقع پر پارٹی لیڈران کا کہنا تھا کہ کسانوں کے خلاف لائے گئے زرعی قوانین کے نقصانات کا اثر سماج کے ہر طبقے پر پڑےگا۔ اس لئے سبھی کو اس قانون کی مخالفت کرنی چاہئے۔ خاص کر نوجوانوں کو بھی اس قانون کے خلاف آگے آنے کی ضرورت ہے۔
یہ بھی پڑھیں: نوجوان خوشحال بھارت کی تعمیر کے لئے آگےآئیں: وینکیا نائیڈو
واضح رہے کہ میرٹھ میں سماجوادی کارکنان جہاں ایک طرف نیتاجی کی یوم پیدائش منا رہے ہیں وہیں دوسری جانب وہ اس پروگرام کے ذریعے مرکزی حکومت کو تنقید کا نشانہ بھی بنا رہے ہیں۔
