جھانسی: ایک ہی خاندان کے تین افراد کی زہر کھانے سے موت

ضلع جھانسی میں ایک ہی کنبہ کے تین افراد کی زہر کھانے سے موت ہو گئی۔ اس واقعے میں شوہر اور بیوی نے زہر کھاکر اپنے بیٹے کو زہر دے دیا۔ زہر کھانے کی وجہ دو ماہ قبل بیٹی کی موت بتایا جا رہا ہے۔ بیٹی کی موت کے بعد سے ہی شوہر اور بیوی صدمے میں تھے۔

ریاست اتر پردیش کے ضلع جھانسی کے چرگاؤں پولیس تھانہ میں ایک ہی کنبے کے 3 افراد نے زہر کھاکر جان دے دی۔ اروند، بیوی ریکھا اور بارہ سالہ بیٹا نیتک نے زہر کھاکر خودکشی کرلی۔ اروند اور ریکھا کی موقع پر ہی موت ہوگئی جب کہ بیٹے نیتک کی میڈیکل کالج میں علاج کے دوران موت ہوگئی۔

واقعے کے مقام پر ایک خودکشی نوٹ بھی ملا ہے۔ یہ جوڑے دو ماہ قبل اپنی بیٹی کی موت کے واقعے کے بعد سے ذہنی طور پر پریشان تھے۔ نیتک نے اپنے چچا کو زہر کھانے کے بارے میں آگاہ کیا، لیکن تب تک اروند اور ریکھا کی موت ہوگئی تھی۔ جلدی میں نیتک کو میڈیکل کالج لایا گیا، لیکن اس نے بھی دم توڑ دیا۔

واقعے کی اطلاع پر پولیس نے تینوں کی لاشوں کو قبضے میں لے کر پوسٹ مارٹم کے لیے بھیج دیا ہے۔ ایس پی دیہات راہول مٹھاس موقع پر پہنچے اور واقعے کا جائزہ لیا۔ فی الحال، پولیس نے کیس کے تمام پہلوؤں کی تفتیش شروع کردی ہے۔