وزیراعظم نریندر مودی نے ویڈیو کانفرنسنگ کے ذریعہ اپنے پارلیمانی حلقہ بنارس سے نئی ٹرین مہامنا ایکسپریس کو ہری جھنڈی دکھا کر کے اپنی آبائی ریاست گجرات کے لیے روانہ کیا۔
کاشی کیوڑیا سپر فاسٹ ٹرین ہفتے میں ایک دن چلے گی۔ یہ ٹرین بنارس کینٹ ریلوے اسٹیشن سے صبح پانچ بجے نکلے گی اور اگلے دن صبح نو بج کر پندرہ منٹ پر گجرات کے کیوڑیا اسٹیشن پر پہنچے گی۔
واپسی میں ہر منگل کو یہ ٹرین شام 6 بج کر 55 منٹ پر دبھائی جنکشن سے چلے گی اور اگلی رات 11 بج کر 10 منٹ پر بنارس کینٹ ریلوے اسٹیشن پر پہنچے ہوگی۔ یہ ٹرین چھوکی، ستنا، جبل پور، اٹارسی، بھوساول،آمل نیر، نندوربار، سورت، بھروچ، وڈودرا کے راستے کیوڑیا تک جائے گی۔ ٹرین 27:50 گھنٹے میں 1614.1 کلو میٹر کی مسافت طے کرے گی۔
ای ٹی وی بھارت سے بات کرتے ہوئے ٹرین میں بیٹھے مسافروں نے اپنے رد عمل کا اظہار کرتے ہوئے کہا کہ ٹرین واقعی تمام طرح کی سہولیات سے لیس ہے۔ کرایہ بھی کوئی خاص مہنگا نہیں ہے۔ اب بنارس سے سیدھے گجرات جانے کا راستہ ہموار ہوگیا ہے۔ بنارس اور گجرات کے مابین ثقافتی تبادلے کو فروغ دینے میں یہ ٹرین کافی مددگار ثابت ہوگی۔
بنارس کے لوگوں نے وزیر اعظم نریندر مودی کا شکریہ بھی ادا کیا۔ اس موقع پر پر کثیر تعداد میں عوام نے جمع ہو کر ٹرین کو روانہ کیا اور پرجوش طریقے سے ہری جھنڈی دکھائی گئی گئی۔
وہیں بی جے پی کارکنان اور مقامی رہنما سمیت متعدد افراد اسٹیشن پر پہنچے جہاں اعلی افسران سمیت سکیورٹی اہلکاروں نے بھی مستعدی کا مظاہرہ کیا۔
