میرٹھ میں نگر نگم کی بے رخی کے سبب وارڈ 72 کے کارپوریٹر احسان انصاری نے اس وقت ہنگامہ برپا کر دیا جب نگر نگم بورڈ کی میٹنگ چل رہی تھی۔ وہ میونسپل کمشنر سے اپنے علاقے میں جل بھراؤ اور صاف صفائی کے مطالبات کو پورا کرانے کی مانگ کر رہے تھے ساتھ ہی ان کو اپنے علاقے میں لے جاکر حالات کا جائزہ لینے کے بعد اس سے نجات دلانے کی بات کہ رہے تھے۔ بورڈ میٹنگ میں کمشنر کے گارڈز نے ان کو اٹھاکر باہر نکال دیا جس کی وجہ سے بورڈ کی میٹنگ کو بھی مسترد کر دینا پڑا۔ Corporator Thrown out in Meerut
میرٹھ میں وارڈ 72 کے اسلام آباد بنکر نگر اور قدوائی نگر علاقوں میں مسلسل جل بھراؤ کی پریشانیوں سے دو چار ہو رہے مقامی کارپوریٹر احسان انصاری کا صبر اس وقت جواب دے گیا جب وہ نگم کے اعلی افسران کو اپنے علاقے میں لے جاکر حالات سے رو برو کرانے کی مانگ کر رہے تھے۔ احسان انصاری کا کہنا ہے کہ وہ قریب چھ ماہ سے اپنے وارڈ میں جمع نالے کا پانی اور دوسری بنیادی ضروریات کو پورا کرنے کی افسران سے گہار لگا رہے تھے اس کے برعکس نگم کے افسران نے احسان انصاری کو نگم کی بورڈ میٹنگ سے نہ صرف باہر نکالا بلکہ میونسپل کمشنر کے گارڈز نے ان کو اٹھاکر ہال سے باہر کا راستہ دکھا دیا جس سے پارشد دل کے لوگوں میں ناراضگی دیکھی جا رہی ہے وہ اب میونسپل کمشنر کو ہٹانے کی مانگ کر رہے ہیں۔ Meerut Municipial Committee Meeting Cancelled
یہ بھی پڑھیں: People Protest گیوال بیگہ کا مسلم علاقہ برسوں سے پختہ سڑک کی تعمیر کا منتظر
