پولیس ذرائع نے بتایا کہ 'پرسیا گاؤں کے بوتھ نمبر 67 پر جاری ووٹنگ کے دوران سماج دشمن عناصر نے پتھراؤ کرنا شروع کر دیا۔'
اس واقعہ میں ایک پولیس اہلکار سمیت تین افراد زخمی ہو گئے۔ پولیس نے فوری طور پر کارروائی کرتے ہوئے تین افراد کو گرفتار کرلیا ہے۔ ووٹنگ اب پر امن طریقے سے جاری ہے۔
زخمیوں کو مقامی اسپتال میں داخل کرایا گیا ہے۔ قابل ذکر ہے کہ ریاست میں ساتویں اور آخری مرحلے میں نالندا، پٹنہ صاحب، پاٹلی پتر، آرا، بکسر، سہسرام (ریزروڈ)، کاراکٹ اور جہان آباد لوک سبھا کے ساتھ ہی ڈیہری اسمبلی ضمنی انتخابات کے لیے صبح میں سات بجے سے سخت سکیورٹی انتظامات کے درمیان ووٹنگ جاری ہے، جو شام میں چھ بجے تک جاری رہے گی۔
