عیدالاضحی کے نزدیک آتے ہی بی جے پی کے رکن اسمبلی نند کشور گجر نے بقرعید کو لیکر ایک متنازع بیان دیا ہے۔
گجر نے اپنے بیان میں کہا ہے کہ 'جسے بھی قربانی دینی ہے وہ اپنے بچوں کی قربانی دے اس بیان میں گجر نے یہ بھی کہا ہے کہ گوشت کھانے سے کورونا پھیلتا ہے اس لیے اس بار قربانی نہیں دینی چاہیے'۔
نند کشور گجر کے اس بیان کا جواب دیتے ہوئے مراد آباد سے ایس پی کے رکن پارلیمان ڈاکٹر ایس ٹی حسن نے کہا ہے کہ اس طرح کا بیان اسلام کے لیے ہی نہیں بلکہ ملک کے آئین کے خلاف ہے۔
ڈاکٹر حسن نے کہا کہ جس طرح سے گجر نے یہ بھی کہا ہےکہ اگر تم بکرا کاٹو گے یا کوئی بھی جانور کاٹو گے تو وہ کود بھی بکرا یا جانور بن جائے گا اس بات کا جواب دیتے ہوئے ڈاکٹر حسن نے کہا کہ ان کے (کشور گجر) بیان کے مطابق آنے والے 50 سالوں میں سب لوگ جانور بن جائیں گے اور پارلیمان میں بھی بکرے بکری اور جانور ہی ہوں گے یہ لوگ ایسے لوگ ہیں جو ہندو دھرم کی بھی توہین کرتے ہیں ابھی تک کسی نے بھی ہندو دھرم کے لوگوں نے بھی اس طرح کی توہین نہیں کی'۔
