قومی دارالحکومت دہلی سے منسلک ریاست اترپردیش کے صنعتی شہر نوئیڈا میں لاک ڈاؤن کی خلاف ورزی کرنے پر چھ افراد کو گرفتار کیا گیا ہے۔
نوئیڈا کے 39 میں پولیس آج گاؤں چھلیرا گلی نمبر تین سیکٹر 44 نوئیڈا سے لاک ڈاؤن کی خلاف ورزی کی پاداش میں چھ مزدوروں کو گرفتار کیا ہے۔
واضح رہے کہ یہ لوگ بند مکان کے اندر ٹائلس لگارہے تھے، گرفتار ملزمان میں رنبیر، رام پریت، دلیپ کمار، کارتک،گھنشیام اور باگو شامل ہیں۔
واضح رہے کہ لاک ڈاؤن کی وجہ سے محنت کش اور یومیہ اجرت پر کام کرنے والے افراد شدید متاثر ہیں، ان کے گھروں میں فاقہ کشی کی نوبت آگئی ہے۔
کاروباری مراکز اور دیگر ادارے بند ہونے کی وجہ سے یومیہ اجرت پر کام کرنے والے افراد اپنے گھروں میں رہنے پر مجبور ہیں، کبھی کبھی ان حضرات کو دیگر ذرائع سے کھانا مل جاتا ہے، لیکن بہت سی ایسی ضروریات ہیں جو کھانے کے علاوہ بھی ضروری ہوتی ہیں، جو پوری نہیں وتیں۔
انہیں ضروریات کو پوری کرنے کے لیے ان محنت کشوں نے خاموشی سے کام کرنے کی کوشش کی، تاکہ کچھ پیسے آجائیں گے تو کام چل جائے گا، لیکن قسمت نے یہاں بھی ان کا ساتھ نہیں دیا اور پکڑے گئے۔
