ہلاک شدہ ملزم وکاس دوبے معاملے میں ایک ایس آئی ٹی ٹیم تشکیل دی گئی ہے جو پولیس کے ذریعہ کیے گئے انکاؤنٹر معاملے کی گہرائی سے جانچ کرے گی۔
ایس آئی ٹی ٹیم نے لکھنؤ کے سکریٹریٹ کے باپو بھون میں ایک دفتر بھی قائم کیا ہے۔ ساتھ میں ٹیم نے اپنا ای امیل اکاؤنٹ اور دفتر کا پتہ بھی جاری کیا ہے، تاکہ اگر کسی شخص کے پاس اس معاملے سے جڑی کوئی بھی جانکاری ہو، وہ آسانی سے براہ راست ایس آئی ٹی ٹیم سے رابطہ کرسکے۔
کانپور تصادم معاملے میں ایس آئی ٹی آج اور 20 سے 25 جولائی تک دوپہر 12 بجے سے 2 بجت تک بیانات درج کرے گی جس بھی شخص کے پاس جانکاری ہے وہ ان سے آسانی سے رابطہ کر سکتا ہے۔
واضح رہے کہ 2 جولائی کو کانپور کے چوبے تھانہ علاقے کے بکراؤں گاؤں میں وکاس دوبے کو پکڑنے گئی پولیس ٹیم پر ہوئے حملے میں 8 پولیس اہلکار شہید ہوگئے تھے۔جس کے بعد پولیس نے کارروائی کرتے ہوئے وکاس دوبئے اور اس کے پانچ ساتھیوں کو مار گرایا تھا۔
