اتر پردیش کے مرادآباد میں ادریسی برادری کا ایک سیمینار منعقد کیا گیا۔ Seminar of Idrisi Community اس ادریسی سیمینار میں مرادآباد کے ادریسی برادری کے لوگوں نے شرکت کرکے اپنے مسئلے مسائل کو حل کرنے اور اپنے بچوں کو تعلیم یافتہ بنانے کا عہد کیا۔ Idrisi Community on Education
ادریسی برادری کے ذمہ دار لوگوں نے کہا کہ جس طرح سے دیکھا جا رہا ہے کہ آج کے اس دور میں شادی کے نام پر لاکھوں کروڑوں روپے خرچ کر دیے جاتے ہیں۔ ایسی فضول خرچی پر پابندی لگائی جانی چاہیے۔
شادی میں دیے جانے والے جہیز کو بھی ختم کیا جانا چاہئے۔ آج کے اس جدید دور میں اگر ہمیں ترقی کرنی ہے اور برادری کا نام روشن کرنا ہے تو ہمیں اپنے بچوں کو اعلیٰ تعلیم دلانی ہوگی کیوں کہ تعلیم سے ہی کسی بھی کامیابی کو حاصل کیا جا سکتا ہے۔
انھوں نے مرکزی حکومت سے مطالبہ کرتے ہوئے کہا ہے کہ ادریسی برادری کو سرکاری نوکریوں میں ریزرویشن دینا چاہیے جس سے برادری بھی ترقی کر سکے۔ ادریسی برادری وہ لوگ ہوتے ہیں جو درزی کا کام کرتے ہیں۔ 'اگر آج گورنمنٹ محکمہ میں ہمیں نوکریاں نہیں مل پا رہی ہیں تو اس کی وجہ صرف تعلیم ہے۔ برادری کو آگے بڑھنے کے لئے اپنے بچوں کو اعلیٰ تعلیم دلائیں۔ اس سے سمینار کا مقصد ادریسی برادری کے لوگوں کو تعلیم کے لیے بیدار کرنا اور گورنمنٹ محکموں میں نوکری کی حصہ داری کا مطالبہ کرنا تھا۔
