علی گڑھ: نومنتخب ضلع مجسٹریٹ سیلوا کماری جے نے آج علی گڑھ ضلع مجسٹریٹ کے عہدے کا چارج سنبھال لیا ہے، سیلوا کماری علی گڑھ کی پہلی خاتون ضلع مجسٹریٹ بنی ہیں۔
نومنتخب ضلع مجسٹریٹ سیلوا کماری نے آج چارج سنبھالنے کے بعد میڈیا سے بات کرتے ہوئے کہا کہ ' مرکزی حکومت اور ریاستی حکومت کی جانب سے ضلع میں چلائی جانے والی اسکیمز 'سب کا ساتھ سب کا وکاس' پر زور دیا جائے گا۔
مزید پڑھیں:Blinken's India visit: امریکی وزیر خارجہ کی بھارتی ہم منصب سے مختلف امور پر بات چیت
وہیں انہوں نے کووڈ کنٹرول روم اور کلیکٹریٹ کا معائنہ کرنے کے بعد کووڈ کنٹرول روم اور کلیکٹریٹ کے ملازمین کو ضروری ہدایات دیں۔ معائنہ کے دوران سی ڈی او انکیت کھنڈلوال، کے علاوہ دیگر افسران اور ملازمین موجود رہے۔
واضح رہے ضلع مجسٹریٹ چندر بھوشن سنگھ کا علی گڑھ سے مظفر نگر تبادلہ ہونے کے بعد سیلوا کماری نے علی گڑھ ضلع مجسٹریٹ کا چارج سنبھالا ہے۔ سیلوا کماری اس سے قبل مظفر نگر کی ضلع مجسٹریٹ تھی۔
