سہارنپور میں چھ دسمبر تک دفعہ 144 نافذ

ڈسٹرک مجسٹریٹ اکھلیش سنگھ نے بدھ کو یہاں بتایا کہ مختلف تہواروں کے پیش نظر امن و امان کے لیے ان کی جانب سے ضلع میں حکم امتناعی جاری کیا گیا ہے۔ وجے دشمی، دیوالی، بارہ وفات، بالمکی جینتی، چھٹ پوجا، گرو نانک جینتی وغیرہ جیسے بہت سے تہوار آنے والے ہیں۔

ریاست اتر پردیس کے سہارنپور میں 6 دسمبر تک ضلع انتظامیہ نے آنے والے تیوہاروں کے مد نظر امن و امان قائم رکھنے کے لئے دفعہ 144 نافذ کر دی ہے۔

ڈسٹرک مجسٹریٹ اکھلیش سنگھ نے بدھ کو یہاں بتایا کہ مختلف تہواروں کے پیش نظرامن و امان کے لیے ان کی جانب سے ضلع میں حکم امتناعی جاری کیا گیا ہے۔وجے دشمی، دیوالی، بارہ وفات، بالمکی جینتی، چھٹھ پوجا، گرو نانک جینتی وغیرہ جیسے بہت سے تہوار آنے والے ہیں۔

حکم امتناعی جاری کرتے ہوئے ڈسٹرک مجسٹریٹ اکھلیش سنگھ نے کہا کہ بغیر اجازت کے دھرنا، مظاہرہ، جلوس وغیرہ نہیں ہوگا۔ گروپ میں اسلحہ وغیرہ کے ساتھ نہیں نکل سکیں گے ۔

انہوں نے کہا کہ مذہبی اداروں، مذہبی جلوسوں، شادی کی تقریبات اور جنازے پر حکم امتناعی نافذ نہیں ہوگا۔

یو این آئی