اترپردیش کے ضلع سھارنپور کے ایس ڈی ایم صدر کی جانب سے جنتا روڈ کی زمین کے سلسلہ میں ناجائز طریقہ سے درج شکایات کے نام خارج کردیۓ جانے پر لیکھ پال کی جانب سے 42 شکایت کرنے والوں کے خلاف مقدمات درج کرائے گئے ہیں۔
جن پر مقدمات درج کرائے گئے ہیں ان میں کارپوریشن بینک دھلی روڈ کا نام بھی شامل ہے۔
پوارکہ کے راستہ مظفرآباد جانے والی سڑک جنتا کے نام سے جانی جاتی ہے۔ اس سڑک کے لیے پی ڈبلیو ڈی محکمہ نے 1962 میں گاؤں کے باشندوں کے ساتھ گرام کپور کے خسرہ نمبر 115 ۔116۔117 کی زمین بھی ایکوائر کی گئی تھی اور ان کو اس زمین کا معاوضہ بھی دے دیا گیا تھا۔
زمین ایکوائر کے بعد قانون کے مطابق اس زمین پر پی ڈبلیو ڈی کا نام درج کیا جانا تھا لیکن چکبندی محکمہ کی جانب سے ارسال کئے گئے پروانہ کے بعد تحصیل کے کاغذات نا ہونے کے سبب سڑک کی زمین پر شکایت کرنے والوں کا نام ہی چلتا رہا جبکہ موقع پر سڑک چل رہی ہے۔ چک بندی کے بعد پورانے خسرہ نمبروں سے نئے نمبر بنائے گئے اور وارثین کے نام بھی درج کر دئیے گئے۔
بتایا جارہا ھے کہ نتن اگروال کی درخواست پر ضلع مجسٹریٹ سھارنپور کے حکم کے بعد ایس ڈی ایم سھارنپور صدر انل کمار نے اپنی عدالت میں مقدمہ درج کر کے اس پورے معاملے میں تحصیل دار سے رپورٹ لے کر اس کیس کی سماعت کی جس کے بعد 42 افراد کے خلاف سنگین دفعات میں صدر بازار تھانہ میں مقدمہ درج کرایا ہے۔
