امروہہ میں سماج وادی پارٹی کا زوردار احتجاج

ریاست اترپردیش کے امروہہ ضلع میں سماج وادی پارٹی کے کارکنان اور عہدیداران نے ڈسٹرکٹ مجسٹریٹ کے دفتر پہنچ کر حکومت کے خلاف سخت احتجاج کیا۔انہوں نے ریاستی حکومت پر بے فکری کا الزام عائد کرتے ہوئے گورنر کے نام میمورنڈم دیا۔

اتر پردیش کے ضلع امروہہ کے ضلعی مجسٹریٹ دفتر پر سماج وادی پارٹی یوجن سبھا اور سماج وادی پارٹی یوتھ بریگیڈ کے عہدیداروں نے احتجاج کیا۔ مظاہرین میں یوتھ بریگیڈ کے ضلعی صدر ساجد خان اور یوجان سبھا کے ضلعی صدر فیصل علوی بھی شامل تھے۔

اس موقع پر فیصل علوی نے خطاب کرتے ہوئے کہا کہ ریاست میں بے روزگاری میں اضافہ ہوا ہے ، کسان پریشان ہے اور محکمہ بجلی لوٹ مار میں مصروف ہے۔ انہوں نے کہا کہ کسان کو اپنی فصل کی مناسب قیمت نہیں مل رہی ہے اور ساتھ ہی ریاستی حکومت نے اپنا کوئی بھی وعدہ پورا نہیں کیا ہے۔فیصل علوی نے کہا کہ اتر پردیش حکومت کے وزیر اعلی یوگی آدتیہ ناتھ کو اس کی کوئی پرواہ نہیں ہے ۔انہوں نے کہا کہ ہم نے اترپردیش حکومت کے خلاف ایک میمورنڈم ڈسٹرکٹ مجسٹریٹ کے ذریعہ گورنر کو بھیجا ہے۔ انہوں نے یہ بھی کہا کہ اکھلیش یادو 2022 میں وزیر اعلی بنیں گے اور ریاست میں سماج وادی پارٹی کی حکومت ہوگی۔