رامپور: اترپردیش میں سیاسی پارٹیوں کی جانب سے اسمبلی انتخابات 2022 کے لئے سرگرمیاں شروع ہو گئیں ہیں۔ جہاں ایک طرف اتحاد اور جوڑ توڑ کا عمل جاری ہے تو وہیں سیاسی رہنما عوام کے درمیان پہنچ کر اپنی سیاسی زمین تلاش کرنے میں مصروف ہیں۔
سماجوادی پارٹی سے اتحاد کے بعد راشٹریہ لوک دل کا ایک عوامی جلسہ رامپور کی تحصیل بلاسپور کے کیمری میں منعقد کیا گیا۔ جہاں آر ایل ڈی کے قومی صدر چودھری جینت سنگھ بھی پہنچے۔
'آر ایل ڈی کی حکومت بننے پر کسانوں کی بہبود کے لئے کام کیا جائے گا'
اس موقع پر انہوں نے جہاں مرکز اور ریاست کی بی جے پی حکومت کو سخت تنقید کا نشانہ بنایا تو وہیں انہوں نے عوام سے سیکولر محاذ کو مضبوط کرنے پر زور دیا۔
