آر ایل ڈی کے صدر چودھری اجیت سنگھ کی منگل کی رات کو طبیعت زیادہ خراب ہونے پر انہیں گروگرام کے میدانتا اسپتال میں داخل کرایا گیا تھا۔ بتایا جا رہا ہے کہ پھیپھڑے میں انفیکشن ہونے کی وجہ سے ان کی حالت نازک ہو گئی تھی۔
چودھری اجیت سنگھ کے بیٹے جینت چودھری نے ٹویٹ کر جانکاری دی۔
وزیر اعظم مودی نے ٹویٹ کر چودھری اجیت سنگھ کے انتقال پر ان کے اہل خانہ سے تعزیت کا اظہار کیا۔
اترپردیش کے وزیر اعلیٰ یوگی آدیتیہ ناتھ نے بھی ٹویٹ ان کے اہل خانہ سے تعزیت کا اظہار کیا۔
سابق وزیر اعلیٰ اکھیلیش یادو نے چودھری اجیت سنگھ کے انتقال پر ٹویٹ کر خراج عقیدت پیش کی۔
چودھری اجیت سنگھ کے انتقال کے بعد راشٹریہ لوک دل کے کارکنان میں غم کا ماحول ہے۔
چودھری اجیت سنگھ مغربی اترپردیش کے قد آور رہنما مانے جاتے تھے۔ وہ سابق وزیر اعظم آنجہانی چودھری چرن سنگھ کے بیٹے تھے۔ منموہن حکومت میں انہیں کابینہ وزیر بنایا گیا تھا۔
