مرادآباد میں پولیو مہم کا دوبارہ آغاز

کورونا وائرس کے خطرات کے سائے میں ملک بھر میں پولیو مہم کا دوبارہ آغاز کر دیا گیا ہے۔ کورونا وائرس کے پھیلاؤ کے سبب ملک بھر میں تقریبا ایک برس قبل پولیو مہم کو روک دیا گیا تھا۔

ملک بھر میں کورونا وائرس وبا کے پیش نظر پولیو مہم کو روک دیا گیا تھا۔ آج سے پورے ملک میں پولیو مہم کی دوبارہ شروعات ہوگئی ہے۔ کورونا وائرس وبا کے چلتے تقریبا ایک برس قبل پولیو مہم کو روک دیا گیا تھا۔

ریاست اترپردیش کے وزیر اعلی یوگی آدتیہ ناتھ نے صبح 10 بجے سب سے پہلے پولیو کی خوراک بچوں کو پلا کر اس پولیو مہم کی دوبارہ شروعات کی۔ تو وہیں اسی سلسلے میں اترپردیش کے ضلع مرادآباد میں محکمہ صحت نے بھی اپنے کارکنان کے ذریعہ پولیو مہم کی شروعات کی اور ہر سینٹر پر بچوں کو پولیو کی دوا پلائی گئیں۔

پولیو مہم کا دوبارہ آغاز

پولیو مہم کا دوبارہ آغاز

مرادآباد کے سی ایم او ایم سی گرگ نے پولیو بیداری کو لیکر پولیو ٹیم کو روانہ کیا تھا۔ یہ ٹیمیں پولیو کی دوا پلانے کے لیے لوگوں کو بیدار کریں گی۔ ایک برس کے بعد شروع ہوئی پولیو مہم کے بعد مرادآباد میں بھی اس مہم کی شروعات جوش و خروش کے ساتھ کی گئی۔