مظفرنگر راشٹریہ لوک دل کے قومی نائب صدر جینت چودھری پر ہاتھرس میں پولیس کے ذریعہ لاٹھی چارج کے خلاف راشٹریہ لوک دل کے کارکنان اور اوعہديداروں نے زبردست احتجاج کیا۔
اترپردیش کے ضلع ہاتھرس میں راشٹریہ لوک دل کے قومی نائب صدر جینت چودھری آج ہاتھرس میں متاثرہ افراد کے اہل خانہ سے ملنے جارہے تھے کہ پولیس نے ان پر لاٹھی چارج کیا۔ اس کے خلاف مظفر نگر میں راشٹریہ لوک دل کے کارکنان نے سڑک کو بلاک کر مظاہرہ شروع کر دیا۔
جب پولیس کو احتجاج کے بارے میں اطلاع ملی تو پولیس کے اعلی افسران موقع پر پہنچے اور یقین دہانی کرانے کے بعد راشٹریہ لوک دل مظفرنگر ضلعی صدر اجیت راٹھی کی قیادت میں سینکڑوں کارکنوں نے اعلی افسران کو ایک میمورینڈم دیا۔
انہوں نے مطالبہ کیا کہ ہاتھرس کے ایس ڈی ایم پریم پرکاش مینا اور ذمہ دار عہدیداروں کے خلاف قتل کی کوشش کا مقدمہ درج کیا جائے اور قانونی کارروائی کا مطالبہ کیا۔
