مظفرنگر میں منگل کے روز مرکزی چوراہے شاہین چوک پر ویب سیریز ٹانڈو کے خلاف نعرے بازی کرتے ہوئے پتلا بھی نذرآتش کیا گیا۔
ویب سیریز کے کچھ مناظر اور مکالموں پر تنازعہ جاری ہے۔ الزام عائد کیا جارہا ہے کہ اس ویب سیریز میں دیوی دیوتاؤں کی توہین کی گئی، اور مذہبی منافرت کو ہوا دی جارہی ہے۔ جس کے سبب سیریز پر پابندی لگانے اور ایمیزون پرائم ویڈیو ایپ سے ہٹانے کا مطالبہ کیا جارہا ہے۔
سوشل میڈیا سے شروع ہوا یہ احتجاج اب سڑک اور سیاست تک جا پہنچا ہے۔ ممبئی مدھیہ پردیش دہلی اور اترپردیش کے متعدد رہنماؤں نے اس کے خلاف احتجاج میں وزارت اطلاعات نشریات کو خط لکھا ہے اور لکھنو میں بھی سیریز بنانے والوں کے خلاف رپورٹ درج کی گئی ہے۔
اترپردیش کے مظفر نگر میں بھی ٹانڈو ویب سیریز کی مخالفت کی جارہی ہے جس کی وجہ سے مرکزی چوراہے شیو چوک پر ہندو جاگرن منچ کے کارکنان نے ویب سیریز کے پوسٹر جلا کر اپنے غم و غصے کا اظہار کیا ہے ہندو جاگرن منچ کے عہدے داران اور کارکنان نے حکومت سے مطالبہ کیا ہے کہ اس ویب سیریز پر پابندی عائد کی جائے۔
واضح رہے کہ ٹانڈو کی ہدایت کاری علی عباس جعفر نے کی ہے، ڈمپل کپاڈیہ، محمد ذیشان ایوب دیگر کلیدی کردار ادا کیے ہیں، ہماشو کشن مہرہ پروڈسر ہیں، جب کہ میوزک اے آر رحمان نے دی ہے۔
