ریاست اتر پردیش کے ضلع مظفر نگر میں بھارتیہ کسان یونین امباوتا کے ضلع صدر شاہ عالم کی سربراہی میں سینکڑوں کارکنان نے کسان متحدہ مورچہ کی کال پر زرعی قوانین کے خلاف زبردست احتجاج کیا۔
دہلی کے سرحدی بارڈر پر تین زرعی قوانین کے خلاف کسانوں کے احتجاج کو چھ مہینے مکمل ہو چکے ہیں لیکن ابھی تک مرکزی حکومت کے ذریعے کسانوں کے مطالبات کو تسلیم نہیں کیا گیا ہے۔
متحدہ کسان مورچہ اور بھارتیہ کسان یونین امباوتا کے قومی صدر چودھری رشید پال امباوتا کی کال پر بھارتی کسان یونین امباوتا کے کارکنان اور عہدے داروں نے تینوں زرعی قوانین کے خلاف زبردست احتجاجی مظاہرہ کیا اور حکومت مخالف نعرے بھی لگائے۔
اس موقع پر بھارتیہ کسان یونین امباوتا کے ضلع صدر شاہ عالم نے بتایا کہ ہم نے متحدہ کسان مورچہ اور بھارتیہ کسان یونین امباوتا کے قومی صدر چودھری رشی پال امباوتا کی کال پر زرعی قوانین کے خلاف زبردست احتجاجی مظاہرہ کر رہے ہیں۔
انہوں نے کہا کہ ہم تب تک احتجاجی مظاہرہ کرتے رہیں گے جب تک زرعی قوانین کو واپس نہیں لے لیا جاتا ہے اور ایم ایس پی پر قانون نہیں بنتا ہے۔
