ای ٹی وی بھارت سے بات چیت کرتے ہوئے عمران مسعود نے کہا کہ ’اترپردیش کی موجودہ صورتحال سب پر عیاں ہے۔ نوجوان اور کسان سبھی پریشان ہیں۔ کیونکہ نوجوانوں کے پاس روزگار نہیں ہے اور کسانوں کو ان کی فصلوں کی بہتر قیمت نہیں دی جارہی ہے‘۔
ایک سوال کے جواب میں انہوں نے کہا کہ انہیں ہائی کمان تک رسائی حاصل تھی لیکن موجودہ صورتحال کے پیش نظر میں مجبور تھا۔ مسعود نے کہا کہ راہل اور پرینکا گاندھی کی جانب سے ہمیشہ انہیں عزت ملی ہے اور وہ میرے لیے قابل احترام ہیں۔
یہ بھی پڑھیں:
عمران مسعود نے کہا کہ جب کبھی ضرورت پڑی پرینکا گاندھی نے مجھے بلایا اور جب بھی میں ان سے ملنا چاہتا تھا، مجھے وقت دیا گیا، اس لیے یہ بالکل غلط ہے کہ مجھے ان تک رسائی نہیں تھی‘، انہوں نے وضاحت کی کہ سیاسی صورتحال نے مجھے یہ فیصلہ لینے پر مجبور کیا ہے۔ عمران مسعود 2007 میں سہارنپور کی مظفرآباد سیٹ سے قانون ساز اسمبلی کے رکن منتخب ہوئے تھے۔
