وارانسی میں پرینکا کا روڈ شو

کانگریس کی جنرل سکریٹری اور مشرقی اترپردیش کی انچارج پرینکا گاندھی واڈرا نے وارانسی پارلیمانی حلقے میں روڈ شو کیا۔ کانگریس نے اجے رائے کو وزیراعظم نریندر مودی کے مدمقابل انتخابی میدان میں اتارا ہے۔

بنارس ہندو یونیورسٹی سے پرینکا گاندھی نے روڈ شو کا آغاز کیا۔ اس موقع پر کثیر تعداد میں لوگوں نے شرکت کی۔ روڈ شو کا اختتام کاشی وشوناتھ مندر پر پہنچ کر ہوا۔

وزیراعظم کے روڈ شو کے تین ہفتے بعد کانگریس نے طاقت کا مظاہرہ کرتے ہوئے روڈ شو کیا۔

وارانسی، مشرقی اترپردیش کے ان 13 پارلیمانی حلقوں میں سے ایک ہے جس میں عام انتخابات کے آخری مرحلے میں یعنی 19 مئی کے روز پولنگ ہوگی اور نتائج کا اعلان 23 مئی کو ہوگا۔