پرینکا نے جمعرات کو جاری ایک بیان میں کہا ہے کہ اس واقعہ سے منسلک حقائق سے ثابت ہوتا ہے کہ اترپردیش حکومت آٹھ پولیس اہلکاروں کے قتل کی ٹھیک طرح سے جانچ کرنے میں ناکام رہی ہے اور معاملے میں ملی بھگت ہے۔
انہوں نے کہا کہ 'کانپور کے سنگین قتل عام میں اترپردیش حکومت کو جس مستعدی کے ساتھ کام کرنا چاہئے تھا وہ پوری طرح ناکام ثابت ہوئی ہے۔'
معاملے میں ملی بھگت ہونے کا الزام لگاتے ہوئے گاندھی نے کہا ہے کہ ’’الرٹ کے باوجود ملزم کا اجین تک پہنچنا نہ صرف سلامتی کے دعوؤں کی پول کھولتا ہے بلکہ ملی بھگت کی جانب اشارہ کرتا ہے۔ تین مہینے پرانے خط پر ’نوایکشن‘ اور خطرناک مجرموں کی فہرست میں ’وکاس‘ کا نام نہ ہونا بتاتا ہے کہ اس معاملے کے تار دور تک جڑے ہوئے ہیں۔‘‘
انہوں نے معاملے کی جامع جانچ کا مطالبہ کرتےہوئے کہا کہ 'اترپردیش حکومت کو معاملے کی سی بی آئی جانچ کرا کر سبھی حقائق اور تحفظ کے تعلقات کو سامنے لانا چاہئے'۔
