مظفرنگر: 20 فروری کو پرینکا گاندھی کا کسانوں سے خطاب

مظفرنگر میں 20 فروری کو زرعی قوانین کے خلاف کانگریس کی جنرل سیکریٹری پرینکا گاندھی ایک اجلاس سے خطاب کریں گی۔ کانگریس پارٹی کے ذریعے ایک پریس کانفرنس کرکے جانکاری دی گئی۔

ریاست اترپردیش کے ضلع مظفر نگر میں 20 فروری کو زرعی قوانین کے خلاف ہونے والے اجلاس سے کانگریس کی جنرل سیکریٹری پرینکا گاندھی خطاب کریں گی، اس کی جانکاری کانگریس کے ضلع صدر سبودھ کمار نے ایک پریس کانفرنس کے ذریعے دی۔

انہوں نے بتایا کہ مرکزی حکومت کی جانب سے جاری کردہ تینوں زرعی قوانین کے خلاف کسان مسلسل احتجاج کر رہے ہیں، کانگریس پارٹی بھی اس کالے قوانین کو ختم کرنے کے لیے کسانوں کے ساتھ کندھے سے کندھا ملا کر کام کر رہی ہے۔

سبودھ کمار نے کہا کہ مظفر نگر کے بگرا میں 20 فروری کو تینوں زرعی قوانین کے خلاف ایک پروگرام ہوگا جس میں پرینکا گاندھی شرکت کریں گی اور کسانوں سے خطاب کریں کی اس دوران کانگریس پارٹی کے سینئر رہنما بڑے تعداد میں موجود ہوں گے۔