لاک ڈاؤن کے سبب غریب عوام کو مشکلات کا سامنا کرنا پڑرہا ہے

ریاست اترپردیش کے ضلع مظفر نگر میں کورونا مثبت مریضوں کا نکلنا مسلسل جاری ہے۔ یہی وجہ ہے کی ضلع میں لاک ڈاؤن کی تاریخوں میں ایک بار پھر سے اضافہ ہوا ہے۔ اس لاک ڈاؤن کی وجہ سے سبھی متاثر ہیں لیکن خاص طور سے غریب عوام پر اس کا کافی حد تک اثر ہوا ہے۔

لاک ڈاؤن میں بند سے متعلق لوگوں نے ای ٹی وی بھارت سے اپنی پریشانیوں کا اظہار کرتے ہوئے بتایا کہ ہم رکشا ریڈا وغیرہ چلا کر کسی طرح اپنی زندگی کا گزر بسر کر رہے تھے، لیکن اب لاک ڈاؤن کے سبب سبھی بازار مکمل بند ہیں۔ ہمارا کام بالکل بند ہو چکا ہے جس سے ہمیں کھانے پینے تک کہ لالے پڑ گئے ہیں۔

زندگی کا گزر بسر کرنے کے لئے ہم شام کے وقت انتظامیہ کی نگاہوں سے بجتے ہوئے تھوڑا رکشا چلا لیتے تھے وہ بھی ہمیں ضلع پولیس انتظامیہ چلانے نہیں دے رہا ہے۔

یہی حال اسٹریٹ وینڈرز کا ہے انہوں نے کہا کہ کورونا وبا اور ان حالات کی وجہ سے ہمیں اپنے کنبے کا پیٹ پالنے کے لیے کافی مشکلات کا سامنا کرنا پڑ رہا ہے۔ ہم حکومت سے مطالبہ کرتے ہیں کی ہم غریب عوام کی طرف بھی تھوڑا نظر عنایت کریں کیونکہ رمضان المبارک کا مہینہ بھی چل رہا ہے اور عید الفطر بھی قریب ہے اس لئے ہم چاہتے ہیں کہ حکومت ہماری مدد کرے۔

ہم حکومت سے مطالبہ کرتے ہیں کہ ہمیں راشن وغیرہ کی سہولیات فراہم کرے، جس سے کی ہم اپنے بیوی بچوں کا گزر بسر آسانی کے ساتھ کر سکے۔