ریاست اترپردیش کے ضلع بلیا کے پھیپھنا علاقے میں بہار لے جائی جارہی 980 پیٹیوں سے لدی ہوئی ٹرک کو ضبظ کرلیا گیا، جس کی قیمیت بازار میں 70 لاکھ سے زائد بتائی جارہی ہے۔
واضح رہے کہ تھانہ انچارج ششی مولی پانڈے کو پیر کی رات اطلاع ملی تھی کہ سنگھ پور کے نزدیک سڑک کنارے شراب سے لدا ٹرک کھڑا ہے، جو شراب بہار لے جائی جارہی ہے۔
اطلاع ملنے کے بعد انچارج ششی مولی پولیس فورس کے ساتھ موقع پر پہنچے اور ٹرک کی تلاشی لی گئی تو اس میں سے 980 پیٹی انگریزی شراب ملی۔
خیال رہے کہ بلیا میں پولیس ترجمان نے یہ اطلاع دی ہے۔
انہوں نے بتایا کہ جائے وقوع سے ٹرک ڈرائیور غائب تھا، پیٹیوں میں 47 ہزار 40 بوتل شراب تھی۔
بوتل پر ہیٹ پریمیم وہسکی کا لیبل لگا ہے اور اروناچل پردیش میں ہی یہ فروخت کی جاتی ہےم، پولیس نے شراب سے لدا یہ ٹرک ضبط کرلیا ہے اور اسمگلرز کا پتہ لگارہی ہے۔
