قتل کے معاملے میں دو افراد گرفتار

ریاست اترپردیش کے مرادآباد شہر میں پولیس نے ایک قتل کیس کا انکشاف کرکے دو قاتلوں کو گرفتار کرنے کا دعوی کیا ہے۔

واضح رہے کہ 21 مئی کومرادآباد پولیس کو اطلاع ملی تھی کہ ایک لاوارث شخص کی لاش جھاڑیوں میں پڑی ہے۔ پولیس نے اس معاملے میں کیس درج کرکے تحقیقات شروع کر دی تھی۔دو روز بعد ہلاک شدہ افراد کی شناخت مستقیم کے طور پر کی گئی تھی۔

دو روز قبل پولیس نے پتا لگایا کہ مرادآباد سے تعلق رکھنے والے نعیم اور آکاش چودھری نے گاڑی لوٹنے کے ارادے سے مستقیم کا قتل کر دیا تھا۔

مرادآباد ایس پی نے معاملے کا خلاصہ کر کے دونوں ملزمان کو جیل بھیج دیا ہے۔