ریاست اترپردیش کے ضلع مرادآباد کے تھانہ گنگا وہار کالونی میں گذشتہ دن پیش آئے لوٹ پاٹ کے معاملے کا انکشاف پولیس نے کرلیا ہے۔ اس معاملے میں پولیس نے تین شاطر بدمعاشوں کو بھی گرفتار کیا ہے۔
اطلاعات کے مطابق ملزمین نے گذشتہ دنوں ایک کمپنی سے فون کا آرڈر کیا تھا۔ جب آرڈر لے کر ڈیلیوری بوائے گگن سکسینا نامی نوجوان نے فون دینے کے لیے بلایا تبھی تینوں ملزمین نے سازش کے تحت ڈیلیوری بوائے کو سنسان جگہ پر آنے کو کہا اور پھر ڈیلیوری بوائے سے مار پیٹ شروع کردی اور تمام سامان لوٹ کر فرار ہو گئے، ڈیلیوری بوائے کے بیگ میں ایک آئی فون کے علاوہ دیگر سامان بھی موجود تھا۔
معاملے کی اطلاع کے بعد پولیس نے ملزمین کی تحقیقات شروع کردی جس کے بعد پولیس نے معاملے کا انکشاف کرتے ہوئے پنکج، صادق اور ہرش بھٹناگر کو گرفتار کر لیا ہے اور لوٹے گئے سامان بھی برآمد کر لیا ہے ۔
ایس پی امیت آنند نے اس تعلق سے بتایا کہ تینوں ملزمین سے پوچھ گچھ کی جا رہی ہے امید ہے کہ ان کے دیگر ساتھیوں کا بھی خلاصہ ہوگا۔
