انہوں نے ای او میونسپل بورڈ کی تین ماہ کی تنخواہ روک کر صفائی، ستھرائی اور دیگر نظام کو بہتر نہ ہونے پر کارروائی کا انتباہ دیا ہے۔
وہیں دو دن کے اندر 'تحصیل کی ریکارڈ' درست نہ ہونے پر ملازمین کے خلاف بھی کارروائی کی وارننگ دی ہے۔
کمشنر سنجے کمار اور ڈی آئی جی اوپیندر اگروال کے اچانک سمادھان دیوس میں پہنچنے سے سرکاری محکمئہ میں کھل بلی مچ گئی۔
سمادھان دیوس میں بیٹھتے ہی کمشنر نے شہر کے خراب صفائی نظام اورشہر میں جگہ جگہ پھیلی گندگی پر غصہ کا اظہار کرتے ہوئے ای او نگر پالیکا کی تین ماہ کی تنخواہ ہولڈ کرتے ہوئے انتباہ دیا کہ اگر صفائی نظام بہتر نہ ہوا توسخت قانونی کارروائی کی جائے گی۔
انہوں نے موقع پر ہی ای او کو نظام درست کرنے کی وارننگ دی۔ 'سمادھان دوس' ختم ہونے کے بعد کمشنر تحصیل دفتر پہنچے۔
انہوں نے ایک کے بعد ایک دفتر کے کاموں کے معائنہ کے دوران تحصیل کے ناقص رجسٹروں پر سخت ناراضگی کا اظہار کرتے ہوئے تحصیل ملازمین کو پیر کے روز تک کاوقت دیتے ہوئے کہا کہ اگر پیر کے دن تمام ریکارڈ درست نہیں کیے گئے تو نہ صرف تنخواہ روکی جائے گی بلکہ محکمہ کارروائی بھی کرے گی۔
اتنا ہی نہیں کمشنر نے انتباہ دیاکہ وہ کسی بھی وقت آکر جانچ کرسکتے ہیں اور اگر دوبارہ خامیاں پائی گئی تو کارروائی کے لئے تیار رہیں گے۔
اس دوران تحصیل اور کوتوالی کی خستہ حال عمارت کو دیکھ کر ایس ڈی ایم اور سی او سے کہاکہ جلدی ہی مناسب جگہ تلاش کرکے انہیں تجویز بھیجی جائے، جس سے نئی کوتوالی اور تحصیل کی عمارت تعمیر ہوسکے۔
حالانکہ اس دوران انہوں نے ریلوے روڈ پر واقع ایک مجوزہ جگہ بھی بتائی گئی لیکن انہوں نے کہا کہ دو تین جگہوں کی تجویز بھیجی جائے۔ جس سے نئی عمارتوں کی تعمیر کرائی جاسکے۔
