ریاست اترپردیش کے شہر مرادآباد میں بار ایسوسی ایشن کے انتخابات کا اعلان ہوچکا ہے۔ انتخابات میں کھڑے امیدواروں کے لیے آج سے پرچہ نامزدگی شروع ہو چکا ہے۔ یہ نامزدگی دو دن تک چلے گا۔ مرادآباد بار ایسوسی ایشن کے لیے امیدوار صبح 9 بجے سے شام 5 بجے تک پرچہ نامزدگی داخل کر سکتے ہیں۔
مرادآباد بار ایسوسی ایشن کے انتخابات کے لیے اس بار ووٹنگ 19 نومبر کو ہوگا۔ انتخاب کو لیکر بار ایسوسی ایشن میں آج کل سرگرمیاں تیز ہیں۔ میدان میں سبھی امیدوار وکیلوں کے پاس جاکر اپنے حق میں ووٹ ڈالنے کی اپیل کر رہے ہیں۔
یہ بھی پڑھیں: متھرا: نوجوانواں نے شاہی عید گاہ میں ہنومان چالیسہ کا پاٹھ کیا
الیکشن کمیٹی کے چیئرمین راما شنکر نے بتایا کہ مرادآباد بار ایسوسی ایشن کا انتخابات ہر برس ہوتا ہے۔ لیکن کورونا وائرس وبا کے چلتے اس برس انتخابات دیر سے ہو رہا ہے۔ انتخابات میں اس برس کچھ تبدیلیاں کی گئی ہیں۔ جیسے کہ ایک بار امیدوار انتخابات میں کھڑے ہونے کے بعد دوسرے برس انتخابات میں کھڑا نہیں ہو سکتا۔ دوبارہ انتخابات میں کھڑے ہونے کے لیے ایک برس کا گیپ ہونا ضروری ہے۔
