اتر پردیش نوئیڈا اسمبلی 61 میں درخواست کے دوسرے دن نوئیڈا نارتھ بلاک کانگریس کے کے صدر اور نوئیڈا اسمبلی 61 کے سابق امیدوار جاوید خان نے بھی الیکشن کے لئے دعویداری پیش کر دی ہے۔
اترپردیس کانگریس کی انچارج پرینکا گاندھی کے حکم پر آئندہ 2022 اسمبلی انتخابات میں امیدوار کے لیے درخواستیں طلب کی گئی ہیں۔
اتر پردیش نوئیڈا اسمبلی 61 میں درخواست کے دوسرے دن نوئیڈا نارتھ بلاک کانگریس کے صدر اور نوئیڈا اسمبلی 61 کے سابق امیدوار جاوید خان نے بھی اتر پردیش 2022 انتخابات کے لیے دعویداری پیش کر دی ہے۔
جاوید خان نے کانگریس پارٹی کے سٹی صدر شہاب الدین کو فارم اور درخواست فیس کی بینک تفصیلات سمیت تمام کاغذات حوالے کیے۔
جاوید خان سے قبل پہلے دن آل انڈیا کانگریس کے رکن دنیش اوانا ایڈوکیٹ اور اتر پردیش کانگریس کمیٹی کے رکن پنڈت پرمود شرما درخواست دے چکے ہیں۔ اب تک 3 رہنما نوئیڈا 61 سے اپنی دعویداری پیش کر چکے ہیں۔
یہ بھی پڑھیں: بریلی میں کانگریس کا اجلاس منعقد
دو روز قبل ریاستی دفتر میں فیصلہ کیا گیا کہ جو لوگ کانگریس سے اسمبلی انتخابات لڑنے کے لیے درخواست دیں گے وہ 11 ہزار روپے بطور فیس ادا کریں گے۔
اس موقع پر سٹی صدر شہاب الدین، پنڈت پرمود شرما، نوئیڈا کانگریس کے جنرل سیکرٹری رضوان چودھری، ذیشان چودھری،اشرف، ساحل ملک، آصف منصوری سیکٹر صدر، علی راجہ سیکٹر صدر وغیرہ موجود تھے۔
