نوئیڈا پولیس کی زیرو گراؤنڈ پر کارروائی

نوئیڈا جس طرح ترقی یافتہ شہر ہے، اسی طرح جرائم بھی بے قابو ہیں۔ کمشنریٹ کے نفاذ کے باوجود اس پر قدغن نہیں لگایا جا سکا۔ اب پولیس کمشنر آلوک سنگھ کی قیادت میں جرائم پر قابو پانے اور گوتم بدھ نگر میں صنعتی ترقی کو فروغ دینے کے لئے زیرو گراؤنڈ پر کارروائی کر رہی ہے۔

اس تناظر میں پولیس اسٹیشن ایکوٹیک 3 کے ایس ایچ او اور ان کی پولیس اہلکاروں نے جرائم پیشہ افراد کے خلاف سخت کارروائی کو یقینی بنانے کے لئے اپنے تھانہ علاقے میں چیکنگ مہم شروع کی۔ تاکہ جرائم پیشہ افراد پر خوف طاری ہو۔

علاوہ ازیں کمشنریٹ پولیس جرائم کی روک تھام کے لئے مختلف سطحوں پر مسلسل مہم چلاتے ہوئے مجرموں کے خلاف سخت کارروائی کا سلسلہ جاری رکھے ہوئے ہے۔ جرائم پیشہ افراد بھی پولیس کو چیلینج کرتے ہوئے وارداتوں کو انجام دے رہے ہیں۔