نوئیڈا: گاندھی جینتی کے موقع پر پروگرام کا انعقاد

نوئیڈا میں واقع اندرا گاندھی آرٹ سینٹر میں مہاتما گاندھی اور سابق وزیراعظم لال بہادر شاستری کی سالگرہ کے موقع پر پروگرام کا اہتمام کیا گیاْ اس دوران صاف صفائی میں اہم کردار ادا کرنے والے اداروں اور ملازمین کو اعزاز سے نوازا گیا۔

دہلی سے متصل نوئیڈا کے سیکٹر 6 میں واقع اندرا گاندھی آرٹ سینٹر میں مہاتما گاندھی کے یوم پیدائش اور سابق وزیراعظم لال بہادر شاستری کی سالگرہ کے موقع پر منعقد پروگرام میں اتر پردیش کے ضلع گوتم بودھ نگر کے نوئیڈا شہر کی صفائی میں اہم کردار ادا کرنے والے اداروں اور ملازمین کو اعزاز سے نوازا گیا۔

اس موقع پر پروگرام میں موجود تمام لوگوں کو صفائی کا حلف دلایا گیا اور تمام مہمانوں اور شرکاء نے حلف لیا کہ وہ اپنے علاقے اور اردگرد میں صفائی کا مکمل خیال رکھیں گے۔

اس دوران نوئیڈا کے ہر ورک سرکل کے لیے 10 کوڑا اٹھانے کے لیے گاڑیاں بھی وقف کی گئیں جسے سی ای او ریتو مہیشوری نے جھنڈا دکھا کر روانہ کیا۔ کچرا ایمبولینس سروس حاصل کرنے کے لیے ٹول فری نمبر 1800807995 بھی جاری کیا گیا۔

واضح رہے کہ گزشتہ برس یوپی میں نوئیڈا صفائی کی رینکنگ میں نمبر ون پر تھا۔ نوئیڈا اتھارٹی کی سی ای او ریتو مہیشوری نے امید ظاہر کی ہے کہ اس برس بھی نوئیڈا نمبر ون رہے گا۔

انہوں نے کہا کہ صفائی کو فروغ دینے کے لیے نوئیڈا میں صفائی کی مختلف سروس جاری کئے گئے ہیں۔