اترپردیش کے وزیر اعلی یوگی آدتیہ ناتھ نے کہا ہے کہ اب ریاست میں جرائم اور جرائم پیشہ افراد کے لئے کوئی جگہ نہیں ہے ایسے میں پولیس گاڑیوں کے ہوٹر کا ہی اتنا خوف ہونا چاہئے کہ جسے سن کر مجرمین کانپ جائیں وزیر اعلی نے اتوار کو یہاں نظم ونسق اور ترقیاتی کاموں کے جائزے کے دوران افسران کو ہدایت دی کہ رات کے وقت پولیس کی بہتر پٹرولنگ ہونی چاہئے۔ انہوں نے کہا کہ مجرمین کو کسی بھی حالت میں بخشا نہیں جانا چاہئے۔ حکومت نے اپنا چارج سنبھالنے کے پہلے دن سے ہی ریاست میں مجرمین کے خاتمے کاعزم مصمم کیا تھا اور اسے پورا بھی کیا جارہا ہے۔
انہوں نے ضلع انتظامیہ کے افسران کو عوامی نمائندوں سے بہتر رابطہ قائم کرنے کی ہدایت دیتے ہوئے کہا کہ ایسا کرنے سے انتظامیہ کی اسکیمات کو عوام تک پہنچایا جاسکے۔ ضرورت مند لوگوں کو اسکیمات کا پورا فائدہ مل سکے گا۔یوگی نے ترقیاتی کاموں کا جائزہ لیتےہوئے’سجل باغپت‘مہم اور’باغپت کھیل ترقیاتی مہم‘ کی سبھی تعریف کی۔ انہوں نے کہا کہ پرائیویٹ اسکولوں کو بھی کھیل کی جانب مائل کیا جائے۔ ضلع سطح پر بھی کھیل کود مقابلوں کو بڑھاوا ملے۔
Instill fear of police in the minds of criminals
وزیر اعلی نے کہا کہ اسکولی بچوں کی ڈریس اور کتابوں کو پیسہ اسی مد میں خرچ ہو۔ اس کے لئے سرپرست اور ٹیچروں میں بہتر رابطہ ضروری ہے۔ انہیں پلاسٹک کا استعمال روکنے اور سرکاری عمارتوں پر بلا وجہ بجلی صرف نہ کرنے کی بھی ہدایت دی۔انہوں نے کہا کہ کئی جگہ دن مں بھی اسٹریٹ لائٹیں جلتی دکھائی دیتی ہیں۔ ملک۔ ریاستی مفاد میں ایسا قطعی نہیں ہونا چاہئے۔
مزید پڑھیں:Girls Kidnap Gang Arrest: لڑکیوں کو اغوا کرکے فروخت کرنے والا گروہ پکڑا گیا
اس دوران یوگی باغپت کے ماوی کلاں گاؤں میں ملٹی اسپورٹس اسٹیڈیم میں کھلاڑیوں سے ملے۔انہیں ارجن اوارڈ یافتہ بین الاقوامی اور قومی کھلاڑیوں سے کہا کہ باغپت کھلاڑیوں نے ہمیشہ ریاست کا افتخار بڑھایا ہے۔انہوں نے کھلاڑیوں سے ان کے مسائل کے بارے میں جانکاری لی۔یہاں انہوں نے تقریبا 30کھلاڑیوں کو اعزاز سے نوازہ۔
یواین آئی
