تاہم ابھی گھاگھرا کی آبی سطح کم ہو رہی ہے لیکن انتظامیہ سیلاب کے اثرات کو مزید کم کرنے کے لیے کوشاں ہے۔ اس کے لیے ڈی ایم دفتر میں سیلاب راحت کیمپ کا قیام کیا گیا ہے۔ جہاں سے گھاگھرا کے حالات پر لمحے لمحے کی خبریں دی جا رہی ہیں۔ اس کے علاوہ ایک ایمرجنسی آپریشن سینٹر کا بھی قیام کیا گیا ہے جس میں سیلاب متاثرین کی خدمت کے لیے والنٹیئرز کی تلاش کی جا رہی ہے۔
بارہ بنکی میں ہر برس گھاگھرا کے سیلاب سے ہزاروں لوگ متاثر ہوتے ہیں۔ ہزاروں لوگوں کی املاک دریا برُد ہو جاتی ہےاور ہزاروں لوگ بے گھر ہو جاتے ہیں۔
سیلاب کے دوران بارہ بنکی کے 50 سے زیادہ گاؤں میں زندگی رک جاتی ہے۔ اس لیے سیلاب کے دوران لوگوں کی خدمت کے لیے ایمرجنسی آپریشن سینٹر کا قیام کیا گیا ہے۔ اس میں والنٹیئرز کی تلاش کی جا رہی ہے تاکہ سیلاب کے وقت وہ اپنی خدمات دے سکیں جس سیلاب متاثرین کو کم سے کم پریشانی ہو۔
