ریاست اترپردیش کے ضلع مظفر نگر کے اینٹی کورونا گروپ جمعیت یوتھ کلب اسکاؤٹ ٹریننگ یافتہ نوجوان گاؤں گاؤں جا کر کورونا وائرس کے تئیں عوام کو بیدار کر کے سینیٹائیزیشن کا کام کرر رہے ہیں۔
جمعیتہ العلماء مغربی اتر پردیش کے سکریٹری قاری ذاکر حسین کے ذریعے ضلعی سطح پر جمعیت یوتھ کلب کے نوجوانوں کے اینٹی کورونا گروپ بنائے گئے ہیں جو اپنے اپنے علاقوں میں اس عالمی وباء سے بچاؤ کے لیے جدو جہد کر رہے ہیں جس کے تحت اینٹی کورونا گروپ جمعیت یوتھ کلب کے نوجوانوں نے قصبہ شاہ پور، بسی کلاں، پلڑی کی سبھی مسجدوں، اسکولز اور گلی محلوں کو سینیٹائیز کیا۔
نوجوانوں کے اس کام سے عوام نے جمعیت یوتھ کلب کی کارکردگی پر خوشی کا اظہار کرتے ہوئے کہا کہ جمعیت یوتھ کلب کے نوجوان اس وباء سے حفاظت کے لیے بہترین کام کر رہے ہیں۔
اس موقع پر مولانا محمد عاقل، قاری محمد صادق، قاری محمد عادل، مفتی مہتاب، مولانا نفیس، مفتی عبد العلیم حافظ ذاکر، جمعیت یوتھ کلب کے نوجوان محمد انصار، محمد عمران، محمد گلفام، محمد نعمان، محمد شاہ رخ اور حافظ اسرار وغیرہ موجود تھے.
