اے ایم یو: آر سی اے میں طلبہ کے لیے موٹیویشنل پروگرام

علی گڑھ مسلم یونیورسٹی (اے ایم یو) کی ریزیسٹریشن کوچنگ اکیڈمی (آر سی اے) نے سول سروس امتحان کے خواہشمند امیدواروں کے لیے ایک موٹیویشنل و انٹرایجوکیشن پروگرام کا اہتمام کیا، جس میں ڈاکٹر احتشام وقار (آئی پی ایس) نے سول سروس امتحان کی تیاری سے متعلق مختلف امور پر روشنی ڈالی۔

ڈاکٹر احتشام وقار (آئی پی ایس) نے سول سروس امتحان کی تیاری سے متعلق طلبہ سے کہاکہ' امتحان میں کامیابی کے لیے مثبت مسابقتی ذہن ہونا چاہیے، امیدواروں کو روزانہ اخبارات کا مطالعہ کرنا چاہیے اور تحریری صلاحیت مضبوط ہونی چاہیے۔'

آر سی اے کے ڈائریکٹر پروفیسر عمران سلیم نے پروگرام کی صدارت کرتے ہوئے کہا کہ 'آر سی اے اپنے طلبہ کو تمام مطلوبہ و رہنمائی سہولیات فراہم کرنے کے تئیں پابند عہد ہے'۔ انہوں نے کہا کہ 'اے ایم یو کے طلبہ و طالبات میں بے پناہ صلاحیتیں ہیں اور وہ سول سروسز جیسے مسابقتی امتحانات میں کامیابی حاصل کرسکتے ہیں، بشرطیکہ منصوبہ بند طریقے سے تیاری اور محنت کی جائے'۔

اے ایم یو: آر سی اے میں طلبہ کے لیے موٹیویشنل پروگرام

واضح رہے سنہ 2012 کے بعد یعنی گزشتہ تقریباً دس برسوں میں پہلی مرتبہ علی گڑھ مسلم یونیورسٹی (اے ایم یو) کی ریزیڈینشئیل کوچنگ اکیڈمی (آر سی اے) کے تین طلبہ نے یو پی ایس سی سول سروس امتحان سنہ 2020 میں کامیابی حاصل کی تھی۔ کامیاب ہونے والے امیدوار 1۔ ڈاکٹر بشریٰ بانو (ایم بی اے، پی ایچ ڈی مینجمنٹ، اے ایم یو، 234 ویں رینک)

2۔ التمش غازی (بی ٹیک، آئی آئی ٹی، بی ایچ یو، 282 ویں رینک)۔3۔ ارون کمار سنگھ (اے ایم یو سے بارہویں جماعت، بی ٹیک، جیپور، 554 ویں رینک)

ڈاکٹر صائمہ شاداب، اسسٹنٹ پروفیسر آر سی اے نے پروگرام کی نظامت کی اور ڈاکٹر جہانگیر چوہان اسسٹنٹ ڈائریکٹر آر سی اے نے اظہار تشکر ادا کیا۔

پروگرام میں اے ایم یو ویمنس کالج اور یونیورسٹی کے دیگر شعبوں کے طلبہ و طالبات نے شرکت کی۔