ریاست اترپردیش کے شہر مرادآباد میں کسان کلیان مشن ابھیان کے تحت پنچایت بھون میں لگائے گئے کسان میلے میں کئی محکموں کے اسٹال لگائے گئے تھے۔ ان اسٹال کے ذریعہ کسانوں کو زراعت سے متعلق جانکاریاں دی گئیں تو وہیں بال وکاس پری یوجنا مرادآباد کے تحت حاملہ خواتین کو مقوی غذاؤں کے بارے میں جانکاریاں دی گئیں۔
مرادآباد: حاملہ خواتین کی معلومات کے لیے خصوصی اسٹال
بال وکاس پری یوجنا کے تحت آنگن واڑی خواتین ملازموں نے حاملہ خواتین کو مقوی غذاؤں کے بارے میں جانکاری دیتے ہوئے بتایا کہ حاملہ خواتین کو کیا کیا احتیاط برتنا چاہیے، حمل میں پل رہے بچے کا ٹیکہ کرن وقت وقت پر کرانا کیوں ضروری ہے؟ یہ سب جانکاریاں دی گئیں۔
آنگن واڑی ضلع انچارج نے بتایا کہ گھر پر رہتے ہوئے گیہوں چاول سے آپ کس طرح مناسب غذا تیار کر سکتے ہیں جیسے دلیا مٹری سیلیریکس اور کئی قسم کی مناسب غذائیں تیار کی جاسکتی ہیں۔
