سی بی ایس ای بورڈ کے دسویں جماعت کا نتیجہ آنے کے بعد ملک بھر میں ایک دوسرے کو مبارکباد دینے کا سلسلہ جاری ہے۔ تو وہیں ریاست اتر پردیش کے مرادآباد میں بھی جماعت دہم میں پاس ہوئے طلباء نے ایک دوسرے کو مبارکباد دے کر اپنی خوشی کا اظہار کیا۔
رواں برس عالمی وبا کورونا وائرس کے سبب امتحانات کے انعقاد کے بغیر ہی سی بی ایس ای بورڈ کی جانب سے نتیجہ کا اعلان کیا گیا ہے۔ حالانکہ جماعت نہم اور دہم کے طلباء کو ششماہی اور پری نمبر کی بنیاد پر پاس کیا گیا ہے۔
معروفہ نامی طالبہ نے ای ٹی وی بھارت سے بات چیت میں کہا کہ کہ وہ آگے چل کر ڈاکٹر بننا چاہیں گی اور لوگوں کی مدد کرنا چاہیں گی۔
وہیں ڈی آئی او ایس نے میڈیا سے بات چیت کرتے ہوئے کہا کہ جو بچے دسویں کلاس میں پاس ہوئے ہیں میں ان سبھی کو مبارکباد دینے کے ساتھ ساتھ ان بچوں سے کہنا چاہوں گا کہ ہر بچے کا ایک ایم ہونا چاہیے وہی بچے کامیاب ہوتے ہیں جن کا کوئی مقصد ہوتا ہے۔
