ریاست اترپردیش کے ضلع فیروز آباد میں دبنگوں نے گھر میں گھس کر ایک نابالغ لڑکی کو گولی ماردی جس کے بعد اس نے موقع پر ہی دم توڑ دیا۔
اس سے قبل ملزم نے سکول سے واپسی کے دوران نوجوان لڑکی سے چھیڑ چھاڑ کی اور جب اس نے احتجاج کیا تو ملزم اسے دیکھنے کی دھمکی دے کر فرار ہو گئے۔
ضلع فیروز آباد کے رسول تھانہ علاقے کے پور پریم نگر محلے میں ایک نوجوان لڑکی کو گھر میں گھس کر گولی مار کر ہلاک کر دیا، اس واقعے سے علاقے میں سنسنی پھیل گئی۔
واضح رہے کہ رات 12 بجے کے قریب تین نوجوانوں نے مکان کا دروازہ کھٹکھٹایا اور جب لڑکی نے دروازہ کھولا تو نوجوان نے اسے گولی ماردی جس کی وجہ سے لڑکی نے موقع پر ہی دم توڑ دیا۔
لڑکی کے والد نے بتایا کہ ملزمان نے سکول سے آتے ہوئے ان کی بیٹی کے ساتھ بدسلوکی کی تھی اور احتجاج کرنے پر اسے دیکھنے کی دھمکی دی تھی۔
وہیں دوسری جانب پولیس کا کہنا ہے کہ لڑکی کے والد نے جس ملزمان کا نام بتایا ہے۔ ان کی تلاش جاری ہے، جن کی گرفتاری جلد ہی کرلی جائے گی۔
اس واقعے کی اطلاع ملتے ہی ایس ایس پی سچندر پٹیل پولیس فورس کے ہمراہ موقع پر پہنچ گئے، اور ایس ایس پی نے جائے واردات پر متاثرہ کے اہل خانہ سے بات کی۔
ایس ایس پی سچندر پٹیل نے بتایا کہ لڑکی کے والد نے تین افراد کے نام بتائے ہیں، ان کی گرفتاری کے لیے ایک ٹیم تشکیل دی گئی ہے، جبکہ تحریر ابھی لکھی جارہی ہے جس کے بعد ان تینوں کے خلاف مقدمہ درج کرکے سخت کارروائی کی جائے گی۔
