اترپردیش خاتون پولیس کی اسپورٹس میں نمایاں کارکردگی

ایک طرف جہاں اترپردیش پولیس عوام کی حفاظت کے لیے مستعد رہتی ہے تو دوسری طرف کھیل کود میں بھی اس نے بہترین کارکردگی پیش کی ہے۔

میرٹھ زون کی خواتین پولیس ٹیم نے قومی سطح پر جوڈو کھیل میں اول مقام حاصل کرکے اترپردیش پولیس کا نام روشن کیا ہے۔

اول مقام حاصل کرنے والی دیپا شرما کا کہنا ہے کہ 'پولیس کی ملازمت کرنے کے باوجود کھیل میں دلچسپی رکھنا اور مشق کرنا بہت مشکل ہوتا ہے لیکن وقت نکالنا اپنے ہاتھ میں ہوتا ہے۔ اسی وجہ سے ہم لوگوں نے مسلسل مشق کیا اور آج قومی سطح پر اتر پردیش پولیس کا نام روشن کیا۔'

دیگر کھلاڑی کا کہنا ہے کہ 'پولیس ملازموں کے لیے کھیل کے لیے کوئی بھی سہولت موجود نہیں ہے۔ ایسے حالات میں مسلسل مشق کرکے بہتر مقام حاصل کرنا نہایت ہی چیلنجنگ کام ہے لیکن خود ایک بہتر پوزیشن پر رہنا یہ بہت ہی خوش آئند پہلو ہے۔'

واضح رہے کہ حالیہ عام بجٹ میں نرملا سیتارمن نے کھیل کو فروغ دینے کے لیے کھیل بورڈ بنانے کا اعلان کیا ہے جس کے تحت سبھی شعبے میں سہولت دستیاب ہوگی۔