مئو: سڑک حادثے میں کسان کی موت

آوارہ جانوروں سے تحفظ کے لئے کسان سدھئی یادو اپنے کھیتوں کی نگرانی کرنے گیا تھا۔ واپسی میں سڑک پار کرنے کے دوران یہ حادثہ پیش آیا۔ نامعلوم گاڑی کی زد میں آنے کی وجہ سے اس کی موقع پر ہی موت ہوگئی۔

ریاست اتر پردیش کے ضلع مئو کے قومی شاہراہ 29 پر ایک سڑک حادثے میں کسان کی موت ہو گئی۔ بنارس - گورکھپور شاہراہ 29 پر واقع مرزا جمال پور موضع کے قریب یہ دردناک واقعہ پیش آیا۔

دراصل دیر شب آوارہ جانوروں سے تحفظ کے لئے کسان سدھئی یادو اپنے کھیتوں کی نگرانی کرنے گیا تھا۔ واپسی میں سڑک پار کرنے کے دوران یہ حادثہ پیش آیا۔ نامعلوم گاڑی کی زد میں آنے کی وجہ سے اس کی موقع پر ہی موت ہوگئی۔

وہیں حادثے کی اطلاع ملتے ہی کیسان کے اہل خانہ جائے واردات سے کسان کو اسپتال لے کر پہنچے، جہاں ڈاکٹرز نے کسان کو مردہ قرار دے دیا۔

اس حادثہ سے غریب کسان کے گھر میں کہرام مچ گیا۔ حادثے کی خبر ملتے ہی گھوسی کوتوالی پولس اسپتال پہنچی۔

ابتدائی جانکاری حاصل کرنے کے بعد پولس نے تفتیش شروع کر دی ہے۔

واضح رہے کہ 'آوارہ جانوروں کی وجہ سے کاشتکاری صنعت کو کافی نقصان ہو رہا ہے۔ کسانوں کی راتیں اکثر آوارہ جانوروں سے اپنی کاشت کو محفوظ رکھنے میں جاگتے ہوئے گزر رہی ہے۔'