ریاست اتر پردیش کے ضلع میرٹھ کے رہائشی تین فٹ فیروز کے لیے دولہا بننا کسی خواب سے کم نہیں تھا۔ گھر والوں نے فیروز کی شادی کے لیے بہت کوشش کی لیکن ہر بار معاملہ کسی نہ کسی طرح سے پھنس جاتا۔
ایک دن اچانک فیروز کے دوست کی بیوی نے فیروز کو دیکھا۔ اس دوران دوست کی بیوی نے فیروز کے سامنے اپنی تین فٹ بہن کی شادی کی تجویز پیش کی۔ پھر کیا تھا فیروز کی خواہش پوری ہوگئی اور دونوں کنبوں نے رشتے کا فیصلہ کر لیا۔
فیروز کا رشتہ ڈھائی ماہ قبل طے کیا گیا تھا، لیکن لاک ڈاؤن کی وجہ سے فیروز کو انتظار کرنا پڑا۔ لاک ڈاؤن ختم ہونے کے بعد فیروز نے انتظامیہ کی اجازت سے شادی کرلی۔
دونوں خاندانوں کے صرف چند خاص افراد نے شادی میں حصہ لیا۔ فیروز نے کہا کہ 'وہ شادی سے بہت خوش ہیں۔ فیروز کے مطابق، انہوں نے بالی ووڈ کی بہت سی فلموں میں کام کیا ہے۔
