نوئیڈا : ریاست اتر پردیش کے ضلع نوئیڈا کے سیکٹر18 میں عام آدمی پارٹی کے کارکنان نے منی پور میں جاری تشدد اور خواتین کو برہنہ پریڈ کرانے کے واقعے کے خلاف زبردست احتجاج کیا۔ اس سلسلے میں عاپ کے ضلع صدر بھوپیندر سنگھ جدون نے کہا کہ جب ان کا قافلہ سیکٹر 18 کے دفتر سے عطا پیر اسکوائر پر احتجاج کرنے کے لیے آگے بڑھا تو اے سی پی رجنیش ورما اور سیکٹر-20 کوتوال دھرم پرکاش شکلا کی قیادت میں پولیس فورس نے انہیں روک دیا۔ پولیس کارکنوں کو گھسیٹ کر زبردستی پولیس کی گاڑیوں میں ڈال کر سورج پور پولیس لائن لے گئی۔
انہوں نے کہا کہ صدر جمہوریہ کو ایک میمورنڈم کے ذریعے ہم منی پور حکومت کی فوری برطرفی، صدر راج نافذ کرنے، متاثرہ خاندان کو انصاف دینے، ریاست میں امن کی بحالی کے لیے ٹھوس اقدامات اور خواتین کے ساتھ گھناؤنے فعل کرنے والے مجرموں کے خلاف سخت کارروائی کا مطالبہ کرتے ہوئے احتجاج کر رہے تھے، لیکن پولیس نے بار بار کارروائی کرتے ہوئے ہمیں راستے میں ہی روک دیا۔
مظاہرے میں شریک یوتھ ونگ کے ریاستی صدر پنکج اوانا نے کہا کہ منی پور تشدد میں اب تک 150 سے زیادہ لوگوں کی موت کے لیے مودی اور منی پور حکومت ذمہ دار ہے۔
ضلع صدر بھوپیندر سنگھ جدون نے کہا کہ منی پور اندرونی بدامنی کے دور سے گزر رہا ہے۔ مسلسل تشدد کی وجہ سے منی پور کے لوگوں کو کافی تکلیف ہو رہی ہے۔تشدد کی وجہ سے اب تک 150 سے زائد افراد ہلاک ہو چکے ہیں جب کہ 60 ہزار سے زائد لوگ بے گھر ہو چکے ہیں۔ خواتین پر جنسی تشدد کی تصویریں دل دہلا دینے والی ہیں۔ مرکزی حکومت خاموش ہے۔
یہ بھی پڑھیں:Manipur students in hyderabad حیدرآباد میں مقیم منی پور کے طالبات اور طلبا اپنے افراد خاندان کے لیے پریشان
احتجاج کے دوران پولس کے ذریعہ حراست میں لئے گئے اے اے پی کارکنوں میں ضلع صدر بھوپیندر جدون، یوتھ ونگ کے ریاستی صدر پنکج آوانہ، ضلع جنرل سکریٹری راکیش آوانہ، نوئیڈا اسمبلی کے صدر نتن پرجاپتی، یوتھ ضلع صدر وکرانت لوہیا، ضلع نائب صدر ادے ویر ملک، پنچایت سیل کے ضلع صدر منوج یادو، سی وائی ایس ایس کے ریاستی سکریٹری اے راجپوت سنگھ، امرت سنگھ، ریاستی سکریٹری اے راجپوت سنگھ، راجپوت سنگھ، راجپوت سنگھ، نوئیڈا کے صدر وکرانت لوہیا شامل ہیں۔ فضل چوہدری۔شکتی بنسل، شیام کشیپ، دیپک شرما، انکت یادو، محمد سلیم اجیت، ارجن ابھیشیک سنگھ وغیرہ شامل ہیں
